Ilinniar titsineq

Center for Arktisk Teknologi-p Sisimiuniittup pilersinneqarneratigut kalaallit inuusuttut ingeniørinngorusuttut ilinniarnissaminnut nutaarluinnarnik periarfissinneqarput. Maanna periarfissaalerpoq ukiumi ataatsimi tapertaliussaasumik pikkorissarnissaq, ingeniøritut ilinniarnissamut isissutaasinnaasoq. Pikkorissarnermi ilinniagassaapput matematik, fysik aamma kemi.Tapertaliussaasumik pikkorissarneq taanna aallarnisareerpoq, tassami Sanaartornermik Ilinniarfiup DTU suleqatigalugu 1999-imi aggustimili ilinniartut siulliit 15-it pikkorissartinnerat aallartippaa.

Tapertaliussaasumik pikkorissarnerit nutaat, kalaallit inuusuttut ingeniørinngorniarusuttut aqqutigisinnaasaat annertusarpaat. Periarfissaasinnaasoq alla qangali periarfissaareerpoq– ilinniarnertuunngorniarfiit pingasuusut aqqutigalugit, atuartitsissutinillu eqqortunik immikkut toqqaasimagaanni. Ilanngunneqassaartaaq Sisimiuni HTX-imi ilinniarneq nutaaq, 2000-imi aggustimi aallartittoq. HTX-ertut siulliit 2003-mi piariissapput.